Մոսկվայի Տնտեսագիտության բարձրագույն դպրոցի պրոֆեսոր է, Տեղական ինքնակառավարման ամբիոնի վարիչը: 1977 թվականին ավարտել է Տոմսկի պետական համալսարանը՝ քիմիա և կենսաբանություն մասնագիտությամբ, 1988-ին ստացել է փիլիսոփայական գիտությունների թեկնածուի աստիճան` Նովոսիբիրսկի պետական համալսարանում պաշտպանելով ատենախոսություն Գիտական հետազոտության ցիկլիկ ընթացակարգերը թեմայով: Ակտիվորեն մասնակցել է Ռուսաստանում շուկայական և ազատական բարեփոխումների ռազմավարությունների վերաբերյալ գիտնականների ոչ ֆորմալ խմբերում ծավալված քննարկումներին: 2000-2004 թթ. եղել է Ռուսաստանի Դաշնության Նախագահի աշխատակազմի Փորձագիտական վարչության պետ, 2004-2005 թթ.` ՌԴ Նախագահի ավագ ռեֆերենտը: ՌԴ առաջին դասի իսկական պետական խորհրդական է։ 1993 թվականից Քաղաքացիական հասարակության և մասնավոր սեփականության խնդիրների Կենտրոնի գլխավոր տնօրենն է: 1995-ին մի խումբ այլ գիտնականների հետ մասնակցել է Ուրիշը. նոր ռուսական ինքնագիտակցության քրեստոմատիայի հրատարակությանը: Հեղինակ է ժամանակակից Ռուսաստանի տնտեսության և սոցիալական կառուցվածքի շուրջ այլ ուսումնասիրությունների: